Bajirao to kashibai

Itni mohabbat jo karti ho tum 

Uske kaabil mein hu toh nahi,
Par aakho mein teri aasu laake
Dard mujhe bhi hota hai kahi...

Na socha tha yeh mukaam ayega
Zindagi k is safar mein,
Ishq toh hoga mujhe par
Tu jal jaayegi uske asar mein...

Shikwe h tujhe mujhse kahi
Fir bhi hume apnaaya hai,
Tut k tune meri khushi k liye
Sache ishq ka nazaara dikhaaya hai..

Dil tera paakeeza
Is todna mera gunaah hai...
Fir bhi intezaar h teri aakho mein
Aur yeh meri intehaan hai.

Tu kehti h mein dikhta nahi
Par aisa bhi nahi ki mein dekhta nahi
Teri palko pe aaya ek aasu na hai,
Jiska  hisaab mein likhta nahi...

Yun khud se mujhe dur karke
Meri khushi tumne chaahi hai
Jaanti nahi, tumhe tanha karke,
Koi khushi na maine bhi paayi hai..

Uska zikr jab bhi karta hu
Teri fikr ab bhi karta hu..
Meri khushiyo ki ladayi mein tu
Apni khushi na haar de darta hu..

Ha rukmani tu meri, woh raadha h
Par pyaar na mera aadha hai,
Uska saath nibhaane ki kasam h meri
Tera saath na chodne ka waada hai...